今時今日的香港地或許早已不再「遍地黃金」,不少人的創業夢都會敵不過現實而破滅。但在香港,有一群媽媽卻迎難而上,不但要創業,而且還向高難度挑戰,要做看似沒有市場的天然肥皂生意。

區區肥皂的創辦人Bella Ip,因為覺得早在數百年前歐洲婦女人人都會做肥皂,為何如今卻要付出真金白銀去買?所以就有了自家製天然肥皂的構思,並要將此發展成一門生意,但Bella的創業理念卻與一般創業家的大相逕庭。她解釋創立區區肥皂的理念可分為三個層次:第一,是要生產更多好的產品給大眾;第二,是要讓大眾能自己動手做;最後,是希望大眾能成為生產者,加入肥皂師行列。

點解SO SOAP區區肥皂?四個原因告訴你。
區區肥皂的創辦人Bella Ip

每個創業的人,都不會希望自己的獨門秘方流出,否則還怎樣做生意?但Bella卻不以為然,反而反其道而行,希望分享製作肥皂甚至是創業的經驗和知識。「我係希望更多人都可以享有優質生活,我覺得係要將個skill同人share嘅。」當問到為何創業做肥皂能有優質生活,Bella這樣回應:「我細個嘅年代有工業嘅,啲人可以拎嘢返屋企做。我就覺得點解而家冇左呢樣嘢呢?原來係因為香港冇左工業。以前當喺屯門區的工廠啦,係可以返9點放3點咁樣,咁咪可以接到小朋友放學再去煮飯。但而家轉哂服務性行業就冇得咁架喇嘛。所以我就覺得如果時間上可以配合到,就可以為家庭提供溫暖。」推廣肥皂師行業的背後,原來是希望透過彈性的工作時間,增加父母與子女相處的時間,加添家庭溫暖。小小肥皂,卻有著意想不到的作用。

SO SOAP的教學地方及售銷場地。
教導小朋友自行製造肥皂的過程。
由小朋友製作肥皂的製成品。

Bella再解釋將技術與經驗分享的原因:「而家都好多人識做肥皂嘅,都希望可以用整肥皂黎維生,但就唔識營運嘅skills。姐係個個媽媽都識整豆漿,但就唔係個個都可以開到間豆漿舖。咁我地就希望佢地可以將興趣變成事業,於是我地開左好多創業營。」Bella更笑稱此舉的確是「倒自己米」,不少參與其中的人都開展了自己的生意。「我地so far都覺得係成功嘅。因為真係有媽媽學識左成套係點run,之後就發展自己嘅生意,開左自己嘅studio。」能夠將自己的知識分享出去,助人為樂,確實有滿足感,難怪Bella對此樂此不疲!

SO SOAP有不同種類及味道的肥皂。
SO SOAP的肥皂亦有不同的味道可以供給不同需要的用家,亦曾經提供過肥皂給不同的商戶,例如香港首間膠囊酒店SLEEEP

然而創業總是困難重重,Bella表示初學者最大的困難就是缺乏知識。「佢地最大嘅困難就係佢地咩都唔識,因為好多人都係打工咋嘛。咁佢地貿然咁去做嘅時候,就會蝕好多錢,愈做愈蝕,於是一兩年就捱唔到。或者好多都係根本冇辦法quit左本來果份工,因為佢賺唔到錢,甚至連佢自己份人工都蝕埋,於是就永遠都跳唔出個框框。我地覺得做理想嘅工作係要有技巧知識,姐係有好多knowledge都係要識。所以我地就開始教人嘢,將自己學到嘅share返出去。我地覺得香港嘅market你係會搵到你嘅位置,只要你定好位就得。」

一開始SO SOAP的工具,是一部可以腳動出水的洗手機。
洗手機只要用腳就可以推動出水位。

除了背後偉大的理念,區區肥皂的產品更是好處多多,吸引不少顧客購買。區區肥皂的天然肥皂與大品牌的分別,就在於天然肥皂沒有那麼多化學物質,並且含有甘油,能使皮膚滋潤。而且本地生產更能減碳,符合環保原則。誰又能想到,一塊小小肥皂背後,竟然蘊藏著那麼深厚的意義?


28/05/2018 01:56:47 +08:00